林子善和林子聪 看看都有谁

这次婚礼花掉7位数，子善表示存钱存足两年，打趣说：“除了无綫返工外，我出面都有跑山搵钱，悭啲使啰，结婚我唔会理赚定蚀勒。（几钱开门利是？）本来系9,999嘅，我加左点变成9.999，我觉得我老婆系无价嘅。接新娘易过借火，那些姐妹一见到袁伟豪，门都开了三分二了，再见到马明及嘉颖，就差不多自动开门啦。玩新郎时我食左咸竹蜂，咳到口水鼻涕一齐流。”

对于未来要与太太共度馀生，子善愈讲愈眼湿湿：“要做好自己先，我唔想空口讲白话，行动最紧要。要爱惜自己身体先，先可以照顾到太太，走埋下半生。头先我未讲爱的宣言已经喊，斟茶畀外父、母好动感，我自己太易喊勒。姐妹们有畀野叫我跟住读，但我唔想，因为唔系出自真心，但我讲自己想讲嘅，讲三句又喊！”

当问到太太畀子善几多分，她谓：“100分。”子善即谓：“畀80分够勒，咁先有进步空间。（努力造人？）我唔得，暂时未得住，想小朋友第二日生活成长环境好啲，下年啦，太太同外父母都好锺意小朋友。”至于董佩欣手上的1.6卡钻戒，子善表示：“买唔到最大嘅戒指，但呢只无论颜色及切割都系完美嘅，佢值得我买畀佢。”

话林子善人缘好真系唔会错，除左朋友多到酒店都唔够位放之外，号召力都相当惊人，TVB嘅艺人差不多系倾巢而出，好似台庆咁，例如KC欧瑞伟、吕慧仪、郭峰、陈法蓉都有嚟到，连岩岩同陆汉洋订婚嘅苟芸慧都话要嚟取经，以前大家成日都话苟姑娘个身形臃肿，今日见佢突然瘦左几个码，苟芸慧解释系因为拍广告辛苦到瘦左，依家呢个细码嘅苟姑娘真系冇得输！

之后有江美仪、蒋家旻、何浩文、韩玛利、小仪跟住嚟，估唔到喺呢个场个见到杨怡同罗仲谦手拖手出现，杨怡听到大家叫佢「罗太」笑到见牙唔见眼，好耐冇见过杨怡出现喺镜头前面。

跟接著有袁文杰、田鸡、敖嘉年，最搞笑就系徐荣同陈炜著系戏服赶嚟饮林子善呢餐，可以话系相当有诚意！每逢有婚宴就一定要有阿Bob同曾志伟呢两个「千杯不醉」，但阿Bob 就话自己已经收山，只会饮到5，6成，大家又信唔信？跟住仲有黄心颖、曾志伟、胡枫、胡杏儿、黄日华、王君馨、岑丽香、吴岱融、吴卓羲、陶大宇、金刚、林子聪、李思捷、陈展鹏等人出现，总之就好多人，多到数唔晒，最后连乐小姐都嚟埋就系最好嘅Happy Ending。

吴卓羲从北京返港出席林子善的婚宴，他表示今次到北京是为了调理身体，接受气功及电疗。至于是否为了生仔？他笑谓：“唔系，为健康啫，不过生仔都好，但系未系时候！”又指做气功治疗辛苦，因以前跳舞令腿、膝盖受伤，他说：“敷中药好似畀火烧咁，但系之后有时间都会再去北京做治疗！”

罗仲谦与太太杨怡孖住现身林子善的婚礼，两人手拖手到场兼拖实做访问，恩爱爆灯，问到会否传授夫妻相处之道给一对新人，两人都谦称不需要，罗仲谦指：“我的都学习紧，最重要保持新鲜感，相敬如宾。”问他如何保持新鲜时，他说“好似我咁，有时变瘦，有时变大。”此言一出，即时引来无限联想兼狂笑，问他哪儿变大﹖罗仲谦澄清：“我讲我嘅体格，你的唔好心邪，都系我讲得唔够清楚。”

杨怡闻言即笑得合不拢嘴，并说：“佢讲嘅系体格咋！（你锺意老公变瘦定变大？）两样都锺意。（你有冇同老公一齐做运动？）冇，唔做得，因为我天生系好易有肌肉嘅人，净系可以做拉筋、减压同放松嘅动作，如果做健身会好实，我唔想练到好大只，合照时遮住我老公。”罗仲谦也笑言如果老婆比自己大只，他会感自卑。

苟芸慧（苟姑娘）身穿深蓝色连身长裙衬上西装褛出席好友林子善婚礼，问到送了甚么礼物？她表示有做人情，同时为对方送上祝福。而苟姑娘早前宣布跟男友陆汉洋订婚，问是否到来取经？她笑言：“都会嚟同佢交流吓。”谈及她的身形比之前瘦削很多，她对于被赞瘦表示多谢及感到开心：“之前去泰国拍左个护肤广告大家好快会见到，因为拍摄时间都好长，几辛苦，又冇羊时间休息，所以就瘦左。”她表示在广告需要身穿泳衣落水，自参选华姐之后再穿泳衣，问是否三点式性感？她说：“唔系三点式，系一件头，不过都几性感。（婚前最后终极性感？）其实结左婚都可以性感，健康性感，唔会令人有唔舒服感觉就可以。”

黄心颖出席林子善的婚宴，讲到男友马国明自称千杯不醉，她笑指对方常常讲，不过马国明一向少饮酒，她说：“但系有见过佢饮到High High的咁，少少醉，好多野讲！”

至于可会担心男友饮醉揽人，又或者揽自己？她说：“唔会啦，佢比较少饮，饮完会开心，系咁笑！可能系因为平时对住我唔开心啦！”又笑指自己比对方饮得，不过很久都没有饮酒的她，直言有点担心今晚会饮醉。问到可会为男友顶酒？她笑谓：“唔会！想睇佢醉，睇吓佢会揽边个！”担心出席婚宴会被催婚？她笑指有淮备，直言结婚并不是潮流，并不是别人结婚自己就要结婚！

林盛斌（Bob）出席好兄弟林子善喜宴，谈到身为“兄弟团”的唐诗咏表示要找专人“对付”他，以防Bob大醉，Bob谓：“我依家好少大醉喎，乖左好多，以前会尽兴，依家最多饮5、6成咋，点解诗咏咁讲？（佢话你要灌醉班兄弟。）我都系搞吓气氛啫，知道马国明同嘉颖等都会饮番几杯。其实我同子善识左好耐，佢都系个有上进心嘅人，希望佢婚后努力造人啦。”